Храната на љубовта е среќата

Среќата е свест дека човекот се движи кон целта што си ја поставил. Затоа, врските што следат заеднички цели траат.

Во денешно време, кога вниманието на единката е растргнато на многу страни, многу е тешко да се одржува фокус кон своја цел. Човекот денес, од сите страни е напаѓан со информации и понуди што му го одвлекуваат вниманието кон нешто што тој треба да го купи. Ова е разбирливо ако се земе предвид колку компании чекаат да продадат нешто за да можат да живеат.

Но умниот човек, си ја гледа својата работа, што ќе рече си ги негува целите. Ова не е лесна работа, но е можно за тој што се сака себеси и има волја да го живее животот со сите свои убавини.

За разлика од умните луѓе, има генерално несреќни луѓе, кои живеат во несреќни врски. Несреќата кај овие луѓе доаѓа од нивната неспособност да го фокусираат вниманието кон убави цели. Со други зборови, тие се конфузни.

И како што конфузниот фудбалски тим завршува на дното од табелата и на крајот на сезоната испаѓа од лигата, така и конфузниот човек испаѓа од лигата наречена љубовен живот и влегува во лигата на огорчените, осамените и напуштените.

Прочитајте повеќе извадоци од книгата Доктор секс