Брачните обврски – Тажната реалност

За најголемиот дел од луѓето, сексот не е ништо повеќе од здодевна и тешка обврска, исто како и одењето на работа во понеделник. И тоа е сосем разбирливо.Луѓето, главно, ниту на работа сакаат да одат, а уште помалку сакаат да имаат секс со своите брачни партнери. Одговорот на прашањето за тоа зошто е ова вака е многу прост.
Здодевно е и едното и другото.

На човекот секогаш му е здодевно да го прави она за коешто нема љубов. Тоа е совршено нормално однесување за еден здрав човек. Она што човекот го прави нездрав е жалниот обид да прави здодевни работи, и притоа да се чувствува убаво. Ова е невозможно, затоа што човекот на земјата е дојден да прави нешта од љубов и да се дружи со луѓе за кои чувствува љубов.