За сакањето

Сакањето значи дека нештото или личноста што ја сакаме ни е потребна за да нѐ направи среќни.

Ние ги сакаме работите и луѓето што нѐ прават среќни, т.е. оние што сме ги прогласиле за компонента на нашата среќа. А среќата е само една емоција што се јавува кога човекот напредува кон посакуваната цел.

Најчесто, кога некој рече „Те сакам“, тоа значи „ми требаш за да бидам среќен, бидејќи си ми корисен“. Сакањето како такво е чисто егоистично чувство. Определбата за тоа дали и колку ќе го сакаме некого подразбира проценка за неговата употребна вредност.

„Те сакам“, од друга страна, може да се преведе и како „убаво ми е да си играм со тебе”.